Дејан Митров заминува на Европско првенсто кое ќе се одржи во Букурешт Романија, од 14 до 17 февруари. Подготовките веќе се завршени и се очекува добар резултат од првенството. Митров оптимистички вели дека се надева на одлични резултати со кои ќе се престават и Македонија и Штип на едно од најмасовните европски првенства досега.
„Формата е на задоволително ниво, работевме напорно како во техничко – тактички дел така и во интуциониот дел. Јас сум оптимист и верувам дека можеме да донесеме прекрасни резултати за нашата држава и за нашата општина. Да нагласиме дека ова ќе биде едно од најмасовните европски првенства досега, бидејќи е во година каде имаме Олимписки игри и сите спортисити сакаат да направат тест проверувајќи ја сопствената форма“ – вели Митров.
Со добар ждреп се ичекува и добар резултат вели селекторот Данов. Додава дека напорно се вежбало изминатиот период, како со Митров така и со Егоров кои ќе настапат на ова Европско првенство. Противниците се на задоволително ниво, со што се очекува да се покажат сите предности и недостатоци на Митров и Егоров.
„Подготовските течеа одлично, заедно со Дејан Митров работевме во клубот во БК Балканец. Работевме напорно, согледани се сите противници кои може да ни се погодат, со добар ждреп очекуваме и добар резултат.“ – вели Данов.
Во април и мај оваа година се олимписките квалификациони турнири, европски и светски, па како што вели Данов сите мисли и подготовки се насочени кон овие турнири.
Лаура Стојанова М-Нет