Апарат за дијагностички процедури доби Детското одделение при Клиничка болница Штип како донација од организацијата „Лајонс“. Дечињата со разни развојни забалувања и хронични главоболки нема да мора да патуваат за преглед до главниот град.
„Претставува дијагностичка метода која е златен стандард за поставување на дијагноза на епилепсија кај деца и кај возрасни и многу важна алатка за следење деца со разни видови на развојни нарушувања и хронични главоболки за кои нема органска основа. Ќе ни биде од голема помош за дијагностиката на голем број состојби и се надеваме дека нема да им треба на голем број деца“ – кажа Шпиртова.
Ваков апарат Детското одделение при Клиничка болница Штип добива за првпат, а ќе следи и доедукација на персонал за работа со апаратот.
„Само мал број на установи во нашата држава го имаат овој апарат и со ова одиме чекор понапред да го подигнеме нивото на давање на здравствени услуги во нашата болница“ – додаде Георгијев.
Задоволството е големо и за организацијата, од каде истакнаа дека нема да застанат овде и дека соработката ќе продолжи и во иднина.
Во оваа прилика Георгијев истакна дека расте бројот на интервенции и операции, а со тоа и потребата од нови апарати кои се набавуваат дел со донации, дел со сопствени средства на болницата.
Лаура Стојанова М-Нет