Пред два дена завршија предвремените избори за градоначалник во Општина Штип. Фер, нефер, демократски или не, тие завршија. Не престануваат, сеуште обвинувањата од страна на опозициската ВМРО ДПМНЕ, не изостануваат и одговорите од Владејачката страна. Како и да е, од анкетата која ја направивме во Општина Штип, на сеуште не официјалното прогласување на д-р. Сашко Николов за градоначалник, бидејќи има освоено најмногу гласови, штипјани очекуваат позитивен пресврт во нивниот град. Тие го поддржуваат доктор Николов, бидејќи и претходно тој доста им помагал на граѓаните на Општина Штип, а воедно и придонел за градот под Исарот. Доколку официјално биде прогласен за градоначалник, штипјани очекуваат почитивен придонес од него за нивниот град. Од официјалните резултати кои беа соопштени од Државната изборна комисија, д-р. Сашко Николов ја добил довербата од 80.31% од граѓаните на Општина Штип. Неправилности поголеми немаше, со мали исклучоци, а прогласувањето на новиот градоначалник на градот под Исарот сеуште официјално се очекува.
Лаура Стојанова М-Нет