Се одигра последното есенско коло од Првата кошаркарска лига на Македонија, кое ќе се комплетира вечерва со мечот меѓу Гостивар и Вардар со што ќе следува пауза и продолжува на пролетниот дел.
Пелистер забележа нов и важен триумф за четврта победа во низа, а со тоа и израмнување на врвот од табелата заедно со МЗТ Скопје и ТФТ Скопје со по 21 бод.
Битолчани во трите четврти беше подобар, а во последната четвртина тимот од Кавадарци се разбуди и одигра одлично која ја доби со 23:32, но сепак не беше доволно за изненадување, па мечот го загуби до конечни 95:88.
Феникс го доби Работнички со 73:71 за втора победа во низа, а Работнички го забележа вториот пораз во низа.
МКК Куманово однесе голема и убедлива победа од 78:59 против лидерот ТФТ Скопје, со што поразениот тим по одличната серија сега запиша два порази во низа.
Шампионот МЗТ Скопје со 90:54 беше пресилен против тимот на Шкупи, а пак Кожув 86:63 однесе голема победа против Чаир, со што се продлабочува резултатската криза кај овој тим со четири порази во низа.
Александар Ванев, М-Нет