Кирил Зајков од директор на ЈП Стипион преминува во директоркста фотелја на ЈП Исар, Трајн Коцев се враќа во МВР, а на чело на ЈП Стипион доаѓа Панче Стефановски. Ваквите кадровски промени денеска официјално се презентираа пред јавноста во Штип, а тенденција за Локалната власт е и понатаму напорно и интезивно да се работи.
„Во наредните месеци и години со уште посилен мотив и со уште посилна динамика на реализација на микро проекти кои се надлежност на јавните претпријатија ќе продолжиме понатаму“ – вели Јорданов.
На денешната прес конференција досегашниот в.д. директор на ЈП Исар, Трајан Коцев потенцираше дека во изминатите неколку месеца се работело одговорно и посветено за доброто на граѓаните и во таква положба ја предаде директорската функција на Зајков.
„Намалени се долговите во ЈП Исар за 7 ипол милиони денари, 800 илјади денари е намален долгот ХС Злетовица, долгот за струја од приватен добавувач е намален за три милиони денари, долгот за нафта за околу 600 илјади денари“ – вели Коцев.
Фокусот е реализиран и во ЈП Стипион, па Зајков му посака многу среќа и успешна работа на новиот директор Стефановски.
„ЈП Стипион беше фокусирано во два правци, првиот кон граѓаните, вториот континуитет на вработените однонсо нивните знаења и вештини.“ – вели Зајков.
Нов во целата ситуација е новиот директор на ЈП Стипион Панче Стефановски кој истакна дека ќе работи посветено и по стапките на неговите претходници.
„Моја тенденција ќе биде да ја продолжам позитивната пракса да работиме максимално, одговорно, домаќински, отчетно и ефикасно“ – вели Стефановски.
Промените во јавните претпријатија значат поодговорно функционирање на истите посочи градоначалникот Јорданов.
Лаура Стојанова М-Нет