Бензините поскапуваат за 2,5 денари, дизелот за два денари по литар, нови цени на горивата од полноќ. Како што соопштуваат од регулаторната комисија за енергетика, новата максимална малодрофажна цена на еуросупер бс 95 е 85 денари за литар, додека еуросупер бс 98 ќе се продава по 87 денари. Додаваат дека еуродизелот БС ќе се продава по 93,5 денари.
Со одлуката се врши зголемување на малопродажните цени на нафтените деривати во просек за 3,47 отсто.
„ ЕУРОСУПЕР БС – 95 85 денари за литар
ЕУРОСУПЕР БС – 98 87 денари за литар
ЕУРОДИЗЕЛ БС (Д-Е V) 93,5
Екстра лесното масло за горење за 98,5 денари за литар.“, велат од Регулаторната комисија за енергетика
Со одлуката на РКЕ за 3,064 денари за килограм се зголемува и малопродажната цена на Мазутот М-1 и ќе изнесува 49,720 денари.
Од РКЕ посочуваат дека референтните цени кај сите нафтени деривати на светскиот пазар во споредба со претходната пресметка бележат зголемување и тоа кај бензините во просек за 5,324 отсто, кај дизелот за 2,817, кај екстра лесното масло за 3,394 и кај мазутот за 8,305 отсто. Курсот на денарот во однос на доларот по кој беа формирани цените со претходната пресметка е повисок за 0,3444 отсто.
Потсетуваат дека во оваа пресметка се земени во предвид намалениот износ на акцизата за 4 денари за литар кај ЕУРОДИЗЕЛ (Д-Е V) и намалениот износ на акцизите за 2 денари за литар кај бензините ЕУРОСУПЕР БС-95 и ЕУРОСУПЕР БС-98, како и намалениот износ на ДДВ за нафтените деривати ЕУРОСУПЕР БС-95 и ЕУРОСУПЕР БС-98
во износ од 10 отсто, со исклучок кај дизелските фракции и мазутот.
Иван Митев, М-Нет