Штип деновиве е во празнична атмосфера. Со богослужби и масовна посетеност на храмовите, граѓаните го одбележуваат големиот христијански празник Света Троица. Празнувањето традиционално трае три дена, а верниците се собираат во црквите да оддадат почит и да се помолат за здравје и благосостојба. Покрај литургиите, празникот се одбележува и со семејни собири, скромни трпези и посета на роднините. Во Штип, празничната традиција се негува од генерации и останува длабоко вкоренета во секојдневниот живот на граѓаните.
И додека празникот Света Троица продолжува да се слави, граѓаните на Штип остануваат верни на традицијата – со молитва, заедништво и духовна тишина. Празничната атмосфера во градот е доказ дека, и покрај современите предизвици, верата и обичаите и понатаму имаат посебно место во животот на луѓето.
Иван Митев, М-Нет