Стартот на новата второлигашка сезона спортската редакција на Мнет ТВ благодарејќи на одличната соработка со ФФМ го одбележа со директен пренос од средбата во Кочани помеѓу традиционалните ривали Осогово и Каменица Саса. На стадионот „Никола Мантов“ играчите предводени од Шефот на Стручниот штаб Горан Здравков им одржаа вистинска лекција на домакините и славеја убедлива победа. Уште во 13 м. беше откриен резултатот за водство на гостите од 0:1 а стрелец на голот беше Андреј Ричков. Во 21м. Осогово израмни на 1:1 со голот на Аделин Ќазимов во 21 м. Во финишот на првото полувреме, поточно во 42 м. Каменица Саса дојде во водство од 1:2 со голот што го постигна Никола Божинов и со тој резултат се отиде на одмор. Во второто полувреме по само 5 м. игра, односно во 50 м. Филип Димовски постигна гол за зголемување на резултатот од 1:3 во корист на гостите. Конечниот резултат Осогово – Каменица Саса 1:4 го постави Трајче Ефремов со гол што го постигна во 88 м. од натпреварот. Одличен, фер и коректен натпревар зачинет со 5 прекрасни голови за прва и убедлива победа на тимот на Каменица Саса. Еве ги комплетните резултати од ова прво коло:
- Слога В – Братство 1:0
- Осогово – Каменица Саса 1:4
- Локомотива – Кожув 0:2
- Победа – Кит Го Пехчево 2:1
- Детонит – Беласица 0:2
Драги Герасимов – Пушка Mnet.mk