Можно воведување рестрикции за влез и излез од државата. На Кризниот штаб било разговарано за воведување на истите, што ќе биде предложено и на седница на Влада. На границите од државата ќе се бара негативен ПЦР тест, доказ за примена вакцина или доказ дека граѓаните ја прележале болеста. Овие рестрикции ќе важат и за странски и македонски државјани.
„Дозволете да ве информирам дека на Штабот беше разговарано и за една дополнителна мерка, за којашто утре ќе биде дополнително дискутирано на седницата на Владата. Тоа е за влез и за излез од нашата земја за сите граѓани, без разлика дали се наши државјани или странци, да биде барана или потврда за примена вакцина или негативен ПЦР тест или доказ дека ја прележале болеста. Утре ќе се разговара како за мерката, така и за времето кога тоа ќе биде имплементирано, имајќи предвид дека многу граѓани сега се надвор од земјата“, рече Министерот Филипче.
Претходно, граѓаните бараа вакви мерки од Владата и МЗ, но Министерот посочи дека тогаш немаше потреба за такво нешто. Сега кога предлог – мерката е донесена за тоа дали истата е задоцнета, граѓаните имаа поделено мислење.
„Задоцнета е уште пред да ја измислат. Нема, не помага ни една мерка за овие работи.“
„Не доцнат, навремено е. Дозволено е и треба да има мерки за граѓаните.“
На утрешната седница ќе се разговара за донесување на мерката, но и за тоа од кога таа ќе се спроведува ако биде донесена.
Ребека Спасова МНет