По четири одиграни кола повратникот во Првата женска фудбалска лига, екипата на Кочани дојде до првиот бод, откако на домашен терен ремизираше со Ас Јунајтед играјќи 2:2.
После трите порази во низа на стартот од новата сезона за тимот на Оливер Андоновски ова е прв бод, а пак Ас Јунајтед ја прекина низата од три победи откако мораше како фаворит да се задоволи само со бод.
Скопје е максимален во фудбалската елита на Македонија, откако со убедливи 7:0 го декласираше тимот на Речица, а пак висока победа имаше и шампионот Љуботен откаок со 0:3 славеше над Топ Гол во Битола.
Екипите на Скопје и Љуботен засега се максимални со по четири победи од четири натпревари.
Каменица Саса на домашен терен со превисоки 8:0 го декласираше дебитантот Вардар, а пак Истатов со 1:3 славеше во Струмица над Тиверија Брера.
Во однос на табелата Љуботен и Скопје имаат максимални 12 бодови, а пак на третото место е Ас Јунајтед со 10 бодови. По шест бодови имаат Каменица Саса и Истатов кои го делат четвртото место.
Тиверија е шеста и денес го игра одложениот меч со Вардар кој е на дното, а по три бодови имаат и Топ Гол кој е седми и Речица која е осма, а пак Кочани има само еден освоен бод и се наоѓа во долниот дел од табелата.
Александар Ванев, М-Нет