Денеска православните верници ја чествуваат Света Марија Магдалена, една од најпочитуваните светителки во христијанството и верна следбеничка на Исус Христос. Именден слават сите оние што ги носат имињата Марија, Магдалена, Магда, Мара, Марика, Марица и други изведени форми.
Според христијанското предание, Марија Магдалена потекнувала од градот Магдала на брегот на Галилејското Езеро. Таа била меѓу најверните Христови ученици, присуствувала на неговото распнување и била првата која ја дознала и ја објавила веста за Христовото воскресение. Поради тоа, во црковната традиција е наречена и рамноапостолна”, односно еднаква на апостолите.
Во македонската народна традиција празникот е познат како Марија Магдалена или Блага Марија, а се поврзува со молитви за здравје, мир и благосостојба во домот. Во многу семејства денот се одбележува со домашна трпеза, посети на најблиските и честитање на сите кои го носат ова убаво и традиционално име.
Името Марија е едно од најстарите и најраспространетите женски имиња во светот, а низ вековите останало симбол на чистота, вера, добрина и љубов.
Иван Митев, М-Нет