Со натпреварите од првото воведно коло започна новата сезона во Првата ракометна лига, а на стартот од истата штипски Текстилец загуби на гостувањето во Неготино, каде беше поразен со 34:31 од ланскиот суперлигаш Вардар Неготино.
На почетокот од мечот се играше гол за гол кога домашниот тим при 11:8 дојде до плус три и потоа во текот на целиот меч одржуваше разлика од неколку погодоци, за на крајот конечните исход да биде 34:31.
Во редовите на Вардар Неготино и на самата средба најдобар стрелец беше Мирослав Митевски со 15 погодоци, а пак Костадин Петров имаше девет погодоци. Кај штипјани со по шест погодоци најдобри беа Филип Џинес и Филип Савев.
Во следното коло Текстилец на домашен терен против Преспа Вардар од Ресен ќе ги бара првите бодови, а пак Вардар Неготино ќе гостува кај екипата на Скопје, практично тоа ќе биде дуел на двата лански суперлигаши.
Александар Ванев, М-Нет