Отворена изложбата, но и постојана поствка во штипскиот музеј посветена на првата медицинска сестра Славјанка Влахчева. Во чест на меѓународниот ден на музеите, денеска се отвори изложбата која секојдневно ќе биде отворена за посетителите кои сакаат да се запознаат со ликот и делото на првата дипломирана македонска медицинска сестра. Изложбата е насловена како „Македонското девојче во бело“, а тенденција е средното медицинско училиште во Штип да го носи нејзиното име.
„Оваа изложба ја подготвивме и концепиравме и ја отвораме во чест на Меѓународниот ден на музеите – 18 мај. Нејзиното значење навистина е преголемо и ние како национална институција сакавме сите овие документи кои ги имаме за Славјанка да ги прикажеме на пошироката јавност.“ – вели Штерјов.
Истражувањата за Славјанка Влахчева започнуваат многу оддамна, ама поконкретни податоци се собираат од 2017 година кога се стапува во контакт со семејството на Влахчева.
Во штипскиот музеј се изложени оргинални фотографии, документи, предмети кои припагаѓле на Влахчева, кои зборуваат за нејзината богата биографија, нејзиниот живот и дело.
„На наше огромно задоволство семејството одлучи целото наследство на Влахчева, кое се состоеше од огромен број на фотографии, документи и одликувања да ни ги дадат нам. Ние си презедовме обврска материјалот да биде изложен вака јавно и пошироката јавност да може да се запознае со величината и големината на Славјанка Влахчева.“ – вели Коруновска.
Во 1945 година е отворено првото медицинско училиште во Скопје, а Славјанка Влахчева била назначена за прв директор. Таа е една од петте македонски кои се стекнале со медало за хуманост.
Славјанка Влахчева е родена во декември 1900 година. Потекнува од занаетчиско штипско семејство. Учи за медицинска сестра во Белград, и во 1924 година завршува и е првата дипломирана македонска медицинска сестра.
Лаура Стојанова М-Нет