Штипскиот Џиу-Џицу клуб Осенсеи овој викенд на 23. и 24. март ќе учествува на Меѓународниот турнир “Роби Рајх Опен 2024” во Марибор, Словенија и ќе се одржи првото коло од Џиу Џицу Јадранската лига.
Од штипскиот клуб во своите категории ќе настапат Данил Николиски, Јован Николиски и Драгана Ѓоргиевска под раководство на тренерите Христијан Јованов и Виктор Велинов.
Во јадранската лига ќе настапат тројца членови на Осенсеи, односно Христијан Јованов, Виктор Велинов и Данил Николиски.
Овој турнир е редовен на годишен календар и е еден од подобрите меѓународни турнири во Европа со преставници од повеќе од 10 држави.
Александар Ванев, М-Нет