Геотермалните води со ои располагаат дел од општините од Истокот можат да понудат добар развој на туризмот, но колку истите се искористени. Во Штип работи бањата Кежовица, а во Истибање речиси и да нема искористеност на ова природно ногатство. Со цел да се помогне на општините и развојот на туризмот ИПР работи на проекти со кои целосно би се инвестирало и би се развиле обновливите извори на енергија.
„Во источниот регион има голем капацитет за туризмот. Како пример ќе ги набројам геотермалните води кои ги имаме во Штип и Истибање. Овде е реката Брегалница, имаме голем капацитет за развој на обновливите извори на енергија, однонсо тука се фотоволтаиците и ветерниците така да општините со своите предлози ние сме овде да поддржиме.“ – вели Здравков.
Во периодот кој следи се очекува да започнат активностите преку кои ќе се работи на реконструкција на сместувачкиот капацитете на бања Кежовица, а се очекува и поголем број на инвеститори кои би придонеле за развој на туризмот. Кога е во прашање Истибање, се прават преговори со Локалната власт за да се работи и да се искористи геотермалната вода.
„Геотермалната вода во Кежовица е втора по лековитост во Европа и континуирано работиме да го промовираме тоа, односно да привлечеме туристи. Еве ќе започне да работиме на реконструкција на сместувачките капацитети во Кежовица, а се работи и на привлекување на инвеститори“ – додава Здравков.
Општините од Истокот аплицираат со свои проекти до ИПР, со цел да добијат поддршка и на тој начин да придонесат во развој на туризмот, образованието, земјоделството и слично.
Лаура Стојанова-Ќирчов, М-Нет