Гостивар дефинитивно е најактивен клуб во зимскиот трансфер рок, откако денес беше претставено и шестото засилување за пролетната полусезона од Втората македонска фудбалска лига.
Есенскиот шампион се засили со младиот Рушту Јонус, кој во редовите на Гостивар доаѓа од второлигашот Охрид.
20-годишникот покрај за Охрид настапуваше за Кит Го од Пехчево, Работнички и младите категории на Шкупи, а има настапувано и за Бешикташ од Чаир.
Гостивар вчера го претстави Фахрудин Ѓурѓевиќ, а претходно се засили со Симеон Христов, Рејан Абази, Гордијан Христовски и Фисник Зука.