Салата само со краставици, бидејќи доматот сѐ уште држи висока цена на пазарот во Штип. Според купувачите, пазарот е скап, па се купува само најосновното. Доматот, младиот компир, јагодите се со висока цена, па во зависност од примањата се регулираат и барањата.
Од друга страна, пак, продавачите велат не е исплатливо да се работи. Цената на ѓубривата, препараратите е висока, а производите се со ниска цена. Дополнително на ова и побарувачката е слаба.
Топлото време ги остави поголем дел од штипјани дома, па и раздвиженоста на градскиот пазар беше редуцирана. Според продавачите, дополнително покачување на цените на производите нема да има, односно ќе се бележи само пад на истите, во зависност од сезоната и производот кој се бара.
Лаура Стојанова М-Нет