Овој викенд беа одиграни натпреварите од 2. коло на Втората женска фудбалска лига, а на трите натпревари беа постигнати голем број на погодоци.
Екипата на Слободен забележа триумф од сигурни 0:2 на гостувањето во Велес кај екипата на Борец, а пак Порече од Македонски Брод имаше сигурна победа на гостувањето во Радовиш каде со 0:5 славеше над Плачковица.
Дербито се играше во Охрид, но тимот на Конзули со убедливи 1:5 го доби составот на Билјанини Извори.
Во однос на самата табела по шест бодови имаат Порече и Конзули, а по три бодови имаат Билјанини Извори и Слободен, екипите на Плачковица и Борец се без бодови.
Александар Ванев, М-Нет