Во сабота стартува пролетната полусезона во Втората македонска фудбалска лига со натпреварите од 16 коло, а вториот дел од сезоната ќе носи неверојатна борба за која екипа даи ма директен влез во Прва лига, а кои две екипи да играат бараж за можен влез во елитата.
Охрид, Шкендија Арачиново, Брегалница, Беласица и Скопје ќе водат борба на фудбалските терени низ Македонија, една екипа од овие сигурно ќе игра во Прва лига следната сезона, а две преку бараж ќе се обидат да бидат подобри од прволигашки кои ќе се борат за опстанок преку бараж, додека пак две екипи ќе изивисат и следната сезона ќе бидат одново второлигаши.
Сите екипи се засилени, Охрид и Брегалница го сочуваа костурот на тимот и го надополнија со неколку нови фудбалери, најмногу менуваше Шкендија Арачиново која има повеќе од десеттина засилувања, а исто толку и разделби. Беласица се раздели со неколку играчи, а донесе и неколку нови играчи, додека пак Скопје влегува значително засилен со неколку искусни фудбалери.
Од сенка ќе се обидуваат и Новаци и Детонит Плачковица да направат некое изнедување и сигурно е дека ќе бидат екипи кои ќе решават околу врвот на самата табела.
Сите пет екипи имаат отворени амбиции и сакаат следната сезона да бидат дело од елитата. Охрид е постојатно во самиот врв на Втората лига изминатите сезони, како и Беласица. Шкендија Арачиново по долги години се врати во Втора лига и веќе сака влез во елитата, а пак Брегалница по неколку сезони има шанси да се врати во елитата, исто како и Скопје.
Во рамки на првото коло веќе ќе гледаме дерби во Струмица меѓу Беласица и Охрид, Шкендија Арачиново ќе има лесна задача против Преспа на домашен терен, а исто ќе биде и со Скопје кој ќе гостува кај Слога од Виница. Неизвесно ќе биде гостувањето на Брегалница во Гевгелија кај Кожуф, бидејќи овие две екипи на стартот од новата сезона одиграа 0:0 во Штип.
Секоја грешка односно пораз или реми ќе донесе многу промени на табелата, а победа и три бодови носи можност за прогрес на врвот. Во пролетниот дел ќе се одиграат 15 натпревари, во игра се 45 бодови.
Александар Ванев, М-Нет