Прволигашот Пелистер со нови две српски засилување за новата сезона која ќе започне на 8 август.
Нови имиња во битолскиот прволигаш се Ѓорѓе Белиќ и Лука Булатовиќ.
Белиќ е фудбалер за врска кој стави потпис на едногодишен договор, во својата кариера има настапувано за Сремска Митровица, Мачва, Дрина Љубовија, Лозница, Дубочица и Вождовац.
Булатовиќ е фудбалер кој игра како десно крило, настапуваше за Горица каде одигра 29 натпревари постигнувајќи седум гола со шест асистенции.
Пелистер претходно се засили со Спировски, Ристиќ, Ристовски и Здравковиќ.
Ново засилување во таборот на Силекс е 22-годишниот Едис Бутуровиќ со кој ќе се засили дефанзивниот ред. Тој се очекува да донесе свежина во редовите на кратовскиот прволигаш, а во македонскиот тим носи искуство од Премиер лигата на Босна и Херцеговина.
Новата сезона во Првата лига започнува на 8 август.
Александар Ванев, М-Нет