Откако вчера градоначалникот Јорданов, во одговорот на прес конференцијата на СДСМ, упати низа прашања до диркеторот на Aрхивот, кој впрочем го читаше пресот, денеска одговор во писмено соопштение присигна и од него. Вели дека прес конференцијата е за време на паузата, а негово право е како и на кој начин ќе ја искористи истата. На прашањето поставено од градоначалникот Јорданов „Дали лицето кое ја читаше прес-конференција кое воедно е директор на Архивот во Штип , е на работното место и дали се грижи за ,,неговата’’ институција?’’, Паризов одговори:
„Сега јавно одговарам на прашањето, најпрво институцијата Архив во Штип не е моја, како што ни Општината Штип не е негова, а за разлика од градоначалникот јас се грижам за ,,мојата ‘’ институција и за вработените во неа, додека градоначалникот во ,,неговата’’ институција им покрена дисциплински постапки на вработените во Општина Штип, а притоа сите ги има изгубено, а воедно има платено и судски трошоци за тие постапки од Буџетот на Општина Штип-од парите на граѓаните. Јасно е дека лицето Иван Јорданов зборува и работи паушално и воопшто не ги познава законите. Известувам без разлика дали некое лице е носител на јавна функција или станува збор за општ работник во јавен или приватен сектор секој има право на пауза во траење од 30 минути согласно ЗАКОНОТ ЗА РАБОТНИ ОДНОСИ – Член 132 од ЗРО. Како ќе ја користам паузата, дали за приватни обврски или политички активности е мое лично право“ – напиша Паризов.
Вчерашниот прес на ОО на СДСМ Штип беше за фонтаната која се гради кај штипската гимназија, која ги скара власта и опозицијата во Штип.
Лаура Стојанова М-Нет