Македонскиот ракометен претставник ГРК Охрид испиша нова страница во својата историја, обезбедувајќи пласман во финалето на ЕХФ Европски куп, откако по вистински трилер го елиминираше Целје.
Во реванш натпреварот, охриѓани славеа со 25-24, резултат со кој ја надополнија негативата од првиот дуел во Словенија и изборија израмнување во вкупниот скор. Одлуката за финалистот падна по изведување на седмерци, каде што нервите беа пресудни.
Серијата од пенали започна одлично за домашниот тим – Јасухира беше сигурен, а голманот Пилиповиќ веднаш возврати со одбрана. Охрид брзо поведе, а прецизни беа и Ојлески и Ќосески. Сепак, гостите не се предадоа и успеаја да се вратат, израмнувајќи на 3-3 по неколку промашувања на двете страни.
Клучниот момент дојде кога Ѓукиќ реализираше за нова предност, а потоа следеше промашување на противникот, со што Охрид го завери историскиот успех и пласманот во големото финале.
Херој на мечот беше голманот Пилиповиќ со 12 одбрани, додека Јасухира блескаше во нападот со осум погодоци.
Во битката за трофејот, Охрид ќе се соочи со унгарскиот состав Татабања, во уште еден предизвик кој носи можност за испишување историја.