Министерот за здравство, д-р Азир Алиу, денеска во посета на Штип во рамки на редовните работни активности за подобрување на здравствената услуга во земјата. Од 12:00 до 14:00 часот, министерот ќе оствари директна средба со граѓаните, за да се запознае со нивните потреби и предизвици во областа на здравството.
Средбата ќе се одржи во Салата за состаноци на Одделот за кожни болести во Клиничката болница Штип, каде министерот ќе разговара со локалните здравствени работници и ќе ги презентира најновите иницијативи и стратегии за подобрување на здравствената инфраструктура во регионот.
Оваа посета е дел од планот на Министерството за здравство да ја унапреди здравствената грижа во сите делови на Македонија и да обезбеди поефикасна поддршка за граѓаните и здравствените работници.
Иван Митев, М-Нет