Фудбалските Куп натпревари се најмасовниот облик на натпреварување во кое им се дава шанса на сите екипи од најнизок па до највисокиот ранг на се натпреваруваат и да го посакуваат драгоцениот трофеј. Отсекогаш овие куп натпревари биле полни со неизвесност и не ретко се случувало сензационални елиминирање на респектабилни екипи од далеку анонимни и ниско рангирани тимови. Пред нас се натпреварите од 1/8 финалето на македонскиот куп на кои во главном фигурираат прволигашки и второлигашки екипи. На „градски“ во Штип ќе се сретнат старите ривали Брегалница и Беласица од Струмица. Има многу мотиви и желби кај штипските сини за враќање на некои стари фудбалски долгови. Но сето тоа да се разреши со тактички мудра и паметна игра со стриктно извршување на поставените задачи од својот тренер а како краен продукт извојување на победа и пласман понатаму во 1/4 финалето на Македонскиот Куп. Веќе се делегирани и официјалните лица за овој меч, така да главен судија ќе биде Никола Костенчев, прв помошник Гоце Петрески, втор помошник Милош Милошевиќ и четврти судија ќе биде Дејан Младеновски сите од Скопје. Делегат ќе биде Али Шукрија од Липково а Контролор Марјан Ристески од Кичево. Тимот на Кит Го Пехчево ќе гостува на стадионот Борис Трајковски во Скопје на екипата на Шкупи со која не така одамна имаше успех и ја елиминира токму во Куп натпреварите на Македонија. Еве ги комплетните парови за 1/8 финалните куп натпревари:
- Шкупи – Кит Го Пехчево
- Брегалница – Беласица
- Македонија ЃП – Каменица Саса
- Академија Пандев – Вардар
- Шкендија – Гостивар
- Кожув – Силекс
- Струга Трим Лум – Работнички
- Ренова – Пелистер
Сите натпревари ќе се одиграат во среда 21 октомври со почеток во 14.30 минути, се игра еден натпревар и во случај на нерешен резултат во регуларниот дел ќе се изведуваат пенали.
Драги Герасимов – Пушка Mnet.mk