Општинскиот комитет од опозиционерската партија ВМРО-ДПМНЕ преку својот гласноговорник денес на прес конференција ги пласираше сопствените забелешки за наводното непрофесионалното работење на Јавното претпријатие Исар која наместо на водоснабдувањето и одржување на хигиената во градот , приоритет им дава на непотребни и луксузни набавки.
Во соопштението до јавноста од денешниот прес на ОК ВмроДпмне Штип стои-
„Трошиме на сладолед , а немаме за основните потреби на граганите!
Очигледно ова е новата парола на ЈП Исар, кое секоја година набавува луксузни работи, од парите кои ги собира од граганите.
Спротивно на ова , Исар не ги сервисира основните проблеми на граганите.
Градот стана една огромна депонија.
Отпадот и нечистите улици се работи за кои секојдневно се соочуваме.
Неуредни паркови и запоставени детски игралишта е сликата која асоцира на овој град.
Необезбедување на вода во домакинствата во период на ковид пандемија , а состојбата на која веќе се навикнавме .
Набројаното е само доказ дека ЈП Исар не се работи во името на граѓаните. Услугите за кои им се плаќа и се дел од нивната основна дејност, непрофесионално се извршуваат, додека претпријатието се луксузира од тешко заработените пари на просечниот граѓанин.“
ВМРО-ДПМНЕ Штип останува на ставот дека суштината и смислата на постоењето на Јавните претпријатија е да ги следат интересите на граѓаните и навремено да ги испорачуваат продуктивните и квалитетни кумунални услуги особено во време на Пандемија .
Маре Стојилова М нет
Игор Зиврев М нет