Денес се одиграа натпреварите од првата фаза од Купот на Македонија, дебитанти беа четвртолигашите Јени Маале и Слободен.
На телевизија М Нет во соработка со ФФМ можевте да го следите мечот меѓу Кожуф и Арсими каде екипата на Арсими со 1:2 славеше.
Рамадани погоди за 0:1, а потоа Шефити погоди за 0:2 по осум минути игра во вториот дел.
Грозданоски во финишот на мечот погоди за конечни 1:2, а тоа предизвика неизвесна завршница.
На М Нет Спорт го следевте мечот меѓу дебитантот Слободен кој беше високо поразен од Брегалница со хет-трик на Абази, Фејзулаи два гола и еден гол дело на Крстевски.
Најголемо изненадување е третолигашот Шкендија Арачиново со 2:0 славеше над прволигашот Работнички со головите на искусниот Трпески и Алији.
Бранител на Купот на Македонија е екипата на Тиквеш, која во првото коло одмараше, а ќе се приклучи со натпреварување од втората фаза.
Денес беа одиграни 12 натпревари, а првата фаза од Купот на Македонија ќе се комплетира на 2. октомври (среда) со одложените три натпревари.
- РЕЗУЛТАТИ ПРВА ФАЗА КУП НА МАКЕДОНИЈА:
Борец – Детонит Плачковица, 0:1
Скопје – Пелистер, 0:1
Јени Маале – Шкендија, 0:5
Карбинци – Силекс, 1:4
Кожуф – Арсими, 1:2
Новаци – Вардар, 0:2
Охрид – Беса, 1:5
Шкендија Арачиново – Работнички, 2:0
Слободен – Брегалница, 0:6
Слога Виница – Струга Трим Лум, 1:6
Вардар Неготино – Брера, 0:4
Џепчишти – Шкупи, 0:8
- НАЈАВА НА ОДЛОЖЕНИТЕ ТРИ КУП НАТПРЕВАРИ ЗА 2. ОКТОМВРИ (СРЕДА), 14 ЧАСОТ:
Башкими – Воска Спорт
Беласица – Македнија ЃП
Победа – Гостивар
Александар Ванев, М-Нет