Социјалдемократскиот сојуз на Македонија утревечер со трибина во Штип. Претседателот на ОО на СДСМ во Штип ги повика сите членови, симпатизери и поддржувачи да бидат дел од граѓанската трибина на која ќе се разговара за актуелните мерки и политики, но и за потребите и барањата на граѓаните.
„Почитувани сограѓани, членови, симпатизери и поддржувачи на Социјалдемократскиот сојуз на Македонија. Од име на општинската организација на СДСМ Штип и од мое лично име сакам да ве поканам на граѓанската трибина на СДСМ насловена „Силно и одлучно кон иднината“, која ќе се одржи оваа сабота, во Домот на култура “Ацо Шопов” во Штип, со почеток во 20:00 часот. Како партија која е постојано на терен, создаваме можности заедно со граѓаните да разговараме за мерките и политиките на СДСМ. Преку оваа трибина, одблиску ќе ги презентираме ефектите од мерките на СДСМ, но и изворно да се запознаеме со барањата и потребите на граѓаните. СДСМ останува со граѓаните, продолжува да работи на мерки и политики што го унапредуваат животниот стандард и носат развој на државата. Продолжуваме, силно и одлучно кон иднината“, порача Јане Миланов, претседател на ОО СДСМ – Штип.
Говорници на трибината која ќе се одржи во штипскиот Центар за култура, ќе бидат претседателот на СДСМ и претседател на Владата, Димитар Ковачевски, и претседателот на ОО на СДСМ во Штип, Јане Миланов.
Ребека Спасова М-Нет