Зимниците готови па побарувачката на пазарот во Штип делумно намалена. Иако цените паѓаат, а изборот на производи е голем, сепак граѓаните купуваат само за салата. Произведувачите велат дека производството полека е при крај иако согласни се дека зелка ќе има речиси до Нова година.
„Има ама послабо, некни повеќе имаше. Луѓето веќе си имаат ставено зимница, а цените се поволни. Ама и луѓето немаат услови, платите мали, а ние велиме евтино, а не е.“ – велат продавачите.
За купувачите цените на градскиот пазар во Штип се идентични како и претходниот петок. Избор велат граѓаните има доволно, ама цените согласно нивните примања се високи и денеска.
„Како и претходниот петок така и сега, избор има, добро е.“ – велат купувачите.
Црвената зелка, празот и сеознското овошје најбарани на денешниот пазар во Штип. Наредниот период се очекува зголемена побарувачка и на марула која веќе почна да се нуди на граѓаните.
Лаура Стојанова М-Нет