Екипата на Мал Ајакс од Штип стана шампион во Втората футсал лига на Македонија и со тоа избори влез во Првата футсал лига на Македонија за следната сезона, а по тој повод градоначалникот на Општина Штип, Иван Јорданов, денеска
Екипата на Мал Ајакс од Штип стана шампион во Втората футсал лига на Македонија и со тоа избори влез во Првата футсал лига на Македонија за следната сезона, а по тој повод градоначалникот на Општина Штип, Иван Јорданов, денеска
Екипата на Мал Ајакс од Штип стана шампион во Втората футсал лига на Македонија и со тоа избори влез во Првата футсал лига на Македонија за следната сезона, а по тој повод градоначалникот на Општина Штип, Иван Јорданов, денеска приреди прием за членовите на футсал клубот Мал Ајакс.
На средбата се разговараше за значењето на спортот и вложувањата во спортската инфраструктура како поддршка за младите и спортските колективи. Градоначалникот Јорданов им честиташе на играчите и раководството на клубот за постигнатиот успех и подвлече дека ваквите резултати се мотив плус за Општината да продолжи со поддршката на спортот.
„Во периодот што следува, во близина на ОУ „Тошо Арсов“ е предвидена изградба на повеќенаменска спортска сала, а истата ќе се користи за различни спортски дисциплини и клубови. Оваа инвестиција е дел од континуираните напори за унапредување на спортската инфраструктура во Штип“, истакна Јорданов.
Тој додаде дека ваквите инвестиции се особено значајни за развојот на младите и спортот во целина, и посочи дека Општина Штип ќе продолжи со уште поголем интензитет да вложува во создавање подобри услови за спорт и рекреација.
Од следната сезона Штип ќе има можност за следи прволигашки футсал, а штипски Мал Ајакс ќе биде единствениот тим од Истокот во елитата.
Александар Ванев, М-Нет