ФК Вардар е нов шампион на Македонија, откако во последното коло славеше со убедливи 3:0 против ФК Шкендија и ја круниса фантастичната сезона со шампионски пехар.
На арената во Скопје, вардарци одиграа сигурен и доминантен натпревар во кој уште во првиот дел ја најавија големата прослава. Резултатот беше отворен во 20. минута по автоголот на Ајети, а предноста ја удвои Закариќ во 36. минута.
Во второто полувреме, Вардар мудро ја контролираше играта, а конечните 3:0 ги постави Николов во 80. минута, по што следуваше големо славје на трибините и на теренот.
Со оваа победа, Вардар ја завршува сезоната на врвот и по драматична трка до последното коло повторно се искачува на македонскиот фудбалски трон.