Македонските прволигаши и второлигаши продолжуваат со одигрување на пријателски натпревари пред стартот на пролетниот дел. Прволигашите ги играат последните контролни натпревари бидејќи почетокот на вториот дел започнува на 10 февруари.
На Градскиот стадион во Македонска Каменица екипата на Брегалница со убедливи 0:3 славеше над Каменица Саса во меч каде „сините“ беа далеку подобар противник, а тимот на Влатко Костов до триумф стигна преку погодоците на Калпачки, Михолов и Иванов.
Овие две екипи ќе одиграат уште еден пријателски натпревар кој е закажан за 7 февруари, а ќе се игра на Градскиот стадион во Штип.
Второлигашот Новаци загуби на тест натпреварто со прволигашот Тиквеш во Кавадарци, Стојанов беше единствениот стрелец за триумв на кавадаречкиот тим од минимални 1:0, а со ваков резултат славеше и Арсими на „генералката“ со Шкупи.
Второлигашите ќе имаат уште две недели за подготовки, бидејќи пролетниот дел во Втората лига започнува на 21 февруари.
Александар Ванев, М-Нет