Екипата на Борец од Велес по една година се врати во Втората македонска фудбалска лига, откако како шампион на Трета лига – Југ играше бараж против шампионот на Трета лига – Запад екипата на Влазерими од Кичево и со 3:2 славеше во Битола за експресен кам-бек.
Велешката фудбалска гордост го закажа стартот на подготовките за новата сезона од Втората лига за 20. јуни односно утре, а веќе се работи на кроиење на ростерот за новата сезона.
Борец имаше турболентен период откако испадна од Првата лига, експресно испадна и од Втората лига со само два освоени бодови, но по една година во Трета лига – Југ се врати во второлигашкото друштво.
Со Борец во Втората лига по 27 години се врати и Вардарски од Богданци, а пак Победа преку баражот се избори за опстанок совладувајќи го Куманово, шампионот на Трета лига – Север.
Александар Ванев, М-Нет