Башкими за пролетната полусезона во Втората македонска фудбалска лига ќе има нов тренер. Денес беше претставен младиот стратег Баже Јанакиевски како нов кормилар на кумановскиот второлигаш.
Последен тренерски ангажман на 37-годишникот беше Каменица Саса, а во минатото беше тренер во младинските категории на Работнички, помошник тренер во Работнички, ја водеше екипата на второлигашот Локомотива Скопје и на женскиот фудбалски клуб Скопје.
Башкими есенскиот дел го заврши на 12. место со 18 бодови, колку што има и Тетекс кој е на 11. место. Пролетниот дел Башкими го отвара на гостински терен каде на „Билјанини Извори“ ќе се соочи со екипата на Охрид.
Александар Ванев, М-Нет