Амбасадорката на Израел во Република Северна Македонија, Симона Франкел, при нејзината посета во Штип во неделата, по повод одбележувањето на 81-годишнината од депортирањето на Евреите од Штип изјави дека треба да се потсетиме дека нејзиното присуство оваа година е значајно затоа што војната во Газа сè уште трае и Хамас сè уште држи 134 заложници. Таа вели дека потребно е итно ослободување на заложниците.
„Знаеме дека помеѓу нив има 19 млади жени кои во тунелите на Хамас страдаат од сексуално вознемирување и сексуална злоупотреба. Сите ние мора да дејствуваме и да повикаме на нивно итно ослободување, и да не ги оставиме таму. Со секој изминат ден кога ги оставаме во тунелите и не правиме сè што е можно за да ги ослободиме, им ги загрозуваме животите и тоа може да ја предизвика нивната смрт. Би сакале да повикаме на нивно итно ослободување“ изјави Франкел при нејзината посета во Штип.