Второлигашот Вардар Неготино денес ги започна подготовките за пролетниот дел од сезоната, во кој тимот на Горан Тодорчев сака рано обезбедување на опстанокот и мирна завршница од сезоната.
За таа цел клубот веќе започна да го засилува тимот за пролениот дел и претстави три засилувања. Глигор Шиков од Детонит Плачковица, голманот Кристијан Ѓорѓиевски од Кожуф и Матеј Јанев од Еуромилк се новите засилувања на тимот од Неготино. Дополнително, клубот преговара за дополнителни засилувања кои ќе бидат промовирани во следниот период.
Клубот веќе ги договори и пријателските натпревари ќе се тестира со Беласица на 22. јануари, со Кожуф на 26. јануари, со Тиквеш на 29. јануари, со Слога Виница на 1. февруари во Дојран и со екипата на Победа во Неготино на 8. февруари.
Вардар Неготино првиот пролетен меч го игра на домашен терен против Осогово, а ова ќе биде дерби од долниот дел на табелата во борбата за опстанок. „Жетварите“ ќе бидат на тест за тоа колку се подготвени за опстанок, а пак неготинскиот тим да го потврди опстанокот.
Александар Ванев, М-Нет