Освојувачот на Купот на Македонија, екипата на Тиквеш од Кавадарци се засили со голманот Ристе Јанков, кој доаѓа од редовите на штипска Брегалница.
25-годишникот минатата сезона го чуваше голот на Брегалница, а во својата кариера има настапувано за Поли Јаши во Романија, за екипата на Каспиј од Казахстан како и за Работнички кој е негов матичен клуб и Локомотива.
Јанков беше стандарден голман во младинските категории на македонската репрезентација.
Тиквеш по три одиграни кола има два порази од Струга и Беса од минимални 1:0, а со 2:1 славеше над Воска Спорт.
Александар Ванев, М-Нет