Полувреме од баражите за влез во Втората македонска фудбалска лига. Тетекс скоро сигурно ќе игра во второлигашкото друштво и следната сезона, бидејќи по првите 45 минути во Маџари на „Борис Трајковски“ го „сомеле“ Осогово и има 0:3 предност.
Дефинитивно искуство на Тетекс како второлигаш е пресудно за ваквото водство на „штофарите“.
Башкими е на чекор од Втора лига, на полувреме шампионот на Трета лига – Север има 2:0 предност против шампионот на Трета лига – Запад, екипата на Влазерими.
Фактот дека Трета лига – Север е најголем регион со 30 кола, го потврдува тоа што го најави и телевизија М Нет, дека Башкими со најмногу одиграни натпревари ќе биде многу подготвен за овој психолошки тежок натпревар.
Новаци на полувреме има водство од 1:0 против Вардар од Неготино, па во вториот дел на овој натпревар ќе биде најмногу неизвесно.
Натпреварите од Тетово и Кичево можете да ги следете на телевизија М Нет во живо.