Стартуваше новата сезона во Првата кошаркарска лига на Македонија со мечевите од првото коло на групата А и групата Б.
Во рамки на групата А Борец Баскет славеше висока победа од 88:74 над Ангели, висок триумф имаше и Водно Санс кој со 81:101 беше пресилен за ИБА Скопје.
Голем триумф забележа и Феникс кој со резултат од 100 наспротив 83 славеше над Мега Баскет, а гостинска победа забележа Црн Дрим од 76:87 над Младинец.
Во групата Б ланскиот суперлигаш Гостивар со 134:59 го декласираше Тетекс во салата „Младост“, а воедно тоа беше и најубедливата победа во првото коло.
Во Свети Николе силите ги одмерија Овче Поле и Охрид, во натпревар каде само четири поени беше разликата, охриѓани беа подобри со 62:66. Висок триумф имаше Вардар над новиот прволигаш Гевгелија со 75:91 во гости.
Во првото коло до групата Б слободна беше екипата на Бутел.
Викендот продолжуваат возбудувањата со средбите од втората рунда.
Александар Ванев, М-Нет