Во новата сезона 2026/2027 ракометниот клуб Текстилец УГД од Штип покрај настап во сениорска конкуренција, ќе настапува и во кадетска конкуренција.
Штипјани ќе бидат во групата Б од кадетската лига, каде ќе се натпреваруваат седум екипи, откако Радовиш го откажа учеството во кадетската лига.
Покрај Текстилец УГД, во групата Б ќе се натпреваруваат Младост, Македонија ЃП, Гемиџии до Велес, Мулти Есенс, Вардар и Куманово. Во групата А ќе бидат осум екипи односно Преспа, Прилеп, Алкалоид, Струга, Еурофарм Пелистер, Тиквеш, Пролет и Еурофарм Пелистер 2.
Екипата на Текстилец УГД во рамки на првото коло ќе гостува во Богданци кај Младост, а веќе во второто коло на домашен терен ќе игра против Вардар.
Во последното 14. коло од есенскиот дел Текстилец УГД ќе игра на домашен терен против Мулти Есенс.
Александар Ванев, М-Нет