Прифатливи цени и задоволни купувачи можеа да се забележат на празничниот петочен пазар во Штип. Граѓаните и денеска ги полнеа торбите со свежо овошје и зеленчук. Најмногу се купуваа пиперки, домати и праски, а некои од купувачите се одлучија и за грозје. Голем дел од нив веќе започнаа и со подготовките на зимницата, купувајќи везени пиперки.
Дел од граѓаните велат дека, иако цените на дел од производите се прифатливи, нивниот семеен буџет е ограничен. Со ниски плати и пензии, велат, секое купување внимателно се планира. Без разлика дали производите се поевтини или поскапи, основните намирници мора да се купат, па затоа најчесто се купува само она што е неопходно.
На крајот, сите имаат корист – купувачите добиваат свежи и здрави производи, а продавачите можат да го пласираат својот производ и да остварат заработка.
Ева Тушевска, М-Нет