Политичарот и активист за правата на Ромите, Шабан Салиу, оствари работна средба со претставници на клубот во мал фудбал „Кардшлк“ од Штип, кој во изминатиот период работеше со деца пионери на возраст од 8 до 14 години.
На средбата беше разговарано за причините поради кои клубот моментално се наоѓа во фаза на мирување, како и за можностите и чекорите за негово повторно активирање. Посебен акцент беше ставен на значењето што ваквите клубови го имаат во локалната заедница, особено кога станува збор за работа со најмладите категории.
Салиу ја нагласи улогата на спортот како важен фактор за здравиот психофизички развој на децата, за градење на тимски дух, дисциплина и позитивни животни навики. Според него, младинските спортски иницијативи не се само натпреварувачки активности, туку и силна алатка за социјална интеграција и превенција од негативни појави.
Клубот „Кардшлк“ во минатото претставуваше значаен спортски проект за младите во Штип, а напорите за негово повторно ставање во функција се гледаат како позитивен чекор кон заживување на спортските активности меѓу децата.
Од средбата беше испратена порака дека поддршката на младинскиот спорт е инвестиција во иднината, а ваквите иницијативи заслужуваат внимание и конкретна помош од пошироката јавност и институциите.