Панихида за паднатите борци, жртви од граѓанската војна во Егејска Македонија организираше Здружението „Мирка Гинова“ од Штип. Настанот се одржа во црквата „Св. Константин и Елена“ во населбата Балканска во Штип, а историски сеќавања сподели историчарот и директор на ООУ „Гоце Делчев“, Зоран Митев.
„Во организација на Здружението „Мирка Гинова“ денеска го одбележуваме денот за паднати борци и жртви од Егејска Македонија. Овој настан за Здружението и за сите Македонци коишто постојат. Овие борци се загинати во Егејскиот дел на Македонија, особено во околија Воденско, село Пожарско и затоа ние сме должни, аманет имаме да го одбележиме овој ден“, истакна Стојан Димков, претседател на Здружението „Мирка Гинова“ – Штип.
Вакви и слични активности Здружението организира во текот на целата година за сеќавање на жртвите и паднатите борци, а на овој настан присуствуваа и здруженија од Кочани и Свети Николе.
„Покрај сето тоа, Здружението организира и многу други настани, како што е Егејската вечер и други настани во Пиринскиот и Егејскиот дел во текот на целата година“, додава Димков.
На настанот свежо цвеќе положија градоначалникот и претставници од Општина Штип, претставници од политичка партија и претставници од Здружението бна пензионери на Штип и Карбинци.
Ребека Спасова М-Нет