Раздвижен пазарот во Штип, цените за купувачите во целина се добри. Пред камерите велат дека навикнати се на ваквите цени на производите, според нив нема дрстично покачување, а се надеваат дека ќе нема и за Нова година и Божиќ. Краставицата од 120 денари за килограм не може да си ја дозволат сите граѓани, ама велат сезонското овошје и зеленчук е со прифатлива цена.
„Нормални се цените, веќе сме научени на ова и нема проблем. Кажете ни за снижување, за покачување е најнормално, редно евеќе еднаш да излезат и да ни кажат вистината во очи. Луѓето кои продаваат 120 денари краставичката, тоа е 100% вода.“ – велат купувачите.
Зеленото, како зелка и марула се бараше и денеска на пазарот во Штип велат прадавачите. Се троши и доматот и краставицата и покрај тоа што држат повисока цена. За празниците се очекува зголемување на нивната, како и на цената на бананата.
„Убаво е времето, предновогодишно има движење си купуваат луѓето зелено. Цените се стари, зелка 20 денари, салата 20 – 25 денари. Цената за Нова година кај нас нема да се зголеми, а очекуваме поголема побарувачка, особено за Божиќ“ – велат продавачите.
Смоквите ќе се продаваат по цена од 60 денари, а умрите 100 денари. Продавачите очекуваат побраувачката да се зголеми пред празниците, а купувачите се надеваат дека цените на производите ќе останат исти.
Лаура Стојанова М-Нет