Од денеска на штрајк излегоа вработените во Основен Суд Штип. Бараат зголемување на платите од 2.806 денари, како и обезбедување на средства за К-15. Според претседателката на синдикалната организација, Верица Тасева, во Судот во Штип има вработени кои се со високо образование, а не ја земаат платата која ја заслужуваат.
„Можам да кажам дека вработените во Основен Суд Штип се одзваа на одлуката за повикување на штрајк и штрајкуваме. Штрајкот започна од денес, барањата се да се направи линеарно покачување на платите за 2.806 денари, да се потпише општ колективен договор за целиот јавен сектор и да се обезбедат средства за К-15 за 2022 година. Значи, можам да кажам дека се штрајкува во јавниот сектор секаде каде вработените се синдикално организирани.“ -кажа Тасева
За време на штрајкот ќе се работат само 10% од сите работни кои треба да се завршат, со цел да им се излезе во пресрет на потребите на граѓаните, но неминовно е дека последици на свој грб ќе почувствуваат и тие.
„Па има известување што сѐ треба да се работи, односно 10% минимум од работите што ги работи јавниот сектор ќе се работат со цел на сите граѓани кои имаат неопходни потреби, а поврзани со вработените во јавниот сектор да им се излезе во пресрет, но секако ќе почувствуваат граѓаните. И ние не сакаме тоа да се случи, меѓутоа мора да бидат сите трпеливи, пак ќе кажам ние сме само работници кои сакаат со свој труд да си обезбедат достоинствен живот, а земаат многу ниски плати“ – додаде Тасева.
Штрајкот ќе трае се до исполнување на барањата. Тасева истакна дека се надеваат дека надлежните ќе вразумат, бдејќи барањата се минимални и оправдани и треба да им бидат исплнети.
Лаура Стојанова М-Нет