Екипата на Брегалница во недела ја очекува нов прволигашки настап кога на „градски“ во Штип ќе се сретне со екипата на Борец. Тимот од Велес засега е на претпоследното 11 место со само 8 освоени бодови и според многумина нема што да бара на средбата во Штип против Брегалница која со Струга ТЛ го дели 5 место на табелата со по 22 освоени бодови. Распоредот е таков во кој Шкендија и Струга ТЛ гостуваат и во случај на нивни порази и со евентуална победа Брегалница ќе се искачи на 4 место на табелата. Веќе се делегирани и официјалните лица за средбата во Штип, Главен судија ќе биде Марјан Младеновски на кого ќе му помагаат Дејан Костадинов, Гоце Петрески и како четврти судија Кристијан Ѓуровски сите од Скопје. За Контролор е делегиран Зоранчо Темелков од Кавадарци а Делегат ќе биде Жанко Савов од Скопје. Еве ги комплетните парови за ова 15 коло:
- Ренова – А. Пандев – ќе играатво сабота
- Шкупи – Струга ТЛ
- Пелистер – Скопје
- Македонија ЃП – Шкендија
- Брегалница – Борец
- Тиквеш – Работнички
Овие натпревари ќе се одиграат во недела 28 ноември 2021 година со почеток во 13.00 часот.
Драги Герасимов – Пушка Mnet.mk