79 години постоење, одбележува ловечката федерација на Македонија. Со свечена академија во реновираната сала на Општина Штип синоќа почна одбележувањето на јубилејот во која имаше и изложба на ловечки експонати. На оваа свечена академија присутвуваа и министерот за внатрешни работи Панче Тошковски и министерот за земјоделство Цветан Трипуновски. Влатко Алексовски, претседателот на ловечката федерација рече дека за првпат организираат денови на македонското ловство, а Штип е избран бидејќи е град, кој е пристапен од сите страни.
Од денот на формирањето до денес поминал голем период, исполнет со многу турболенции и падови, но она што поминало, поминало и сега е битно што ќе се случува во иднина и сега. Еден од поголемите проблеми е што поголем број на ловишта се без корисник и се оставени на милост и немилост на ловокрадците, ние со министерството за земјоделство, шумарство и водостопанство сме во постојано комуникација за разрешување на овој период, вели Алексовски.
Дека Штип е гостопримлив град, сведочи токму вчершната свечена академија на која што Градоначалникот на општината Јорданов, посебно горд што настанот се одбележува во градот под Исарот
Министерот за земјоделство, шумарство и водостопанство, Трипуновски во изјава за медиумите рече дека манифестацијата по повод 79 години од формирањето на Ловечката федерација ја поддржуваат и финансиски со 600.000 денари.
-Во делот на македонското ловство знаете дека сериозно работевме заедно со Ловечката федерација, во делот на измена на законот за ловство, со коишто се олеснуваат дел од процедурите и се допрецизираат некои работи, кои за жал во минатото не биле дефинирани. Законот е во собраниска процедура и очекувам наредните недела до две да помине и веќе ќе има можност да се објават и оние повици за ловиштата низ Македонија, а се со цел да ги ставиме во полна функција, рече Трипуновски.
На свечената академија синоќа беа доделени плакети и признанија на Здруженија и личности кои имаат придонесено за развојот на ловството.
Иван Митев, М-Нет