Со заклетва дадена на глас првачињата во Кочани станаа дел од детската организација. Во паркот на револуцијата во Кочани, 280 првачиња од основните училишта во Кочани и Оризари дадоа заклетва дека ќе бидат послушни, ќе учат и ги слушаат своите наставници. Настанот е дел од одбележувањето на неделата на детето која се одбележува во перидот од 7 до 13 октомври. На настанот присуствуваше и градоначалникот Љупчо Папазов, кој истакна дека очекува првачињата понатаму да прерасната во здрави личности, успешни и почитувани граѓани.
„Тука сме денес да ја положите вашата заклетва со стапување во детската организација. Суштината треба да биде во однесувањето и почитувањето на она што содржи оваа заклетва. Обврска ќе биде и за вас и за вашите наставници да се изградите во здрави личности, во успешни и почитувани наши сограѓани. 280 дечиња ќе имаат можност да стапат денес во детската организација и да продолжат со квалитетно образование“ – вели Папазов.
За првачињата беа организирани и повеќе забавно ритмички точки од децата од повисоките одделенија.
Претходниот период првачињата во Кочани и Оризари се едуцираа за нивните права.
Лаура Стојанова М-Нет