До петок ако не се одобрат барањата на оризопориводителите од кочанско земјоделците повторно ќе излезат на улица за да си ги бараат своите права. Велат дека оваа година производството на ориз е катастрофално, дел заради сушата, дел заради болести. Се надеваат дека надлежните ќе ги слушнат нивните барања и ќе им излезат во пресрет на истите.
„Ослободување од воден надоместок, враќање на старта цена од 800 денари и прогласување на елементрана непогода. Овие барања ако се прифатат ќе ни помогнат многу, од болеста, од сушата. Оризот е катастрофа оваа година“ – вели Арсов.
Цена под 60 денари за килограм оризова арпа е неприфатливо за оризарите. Велат дека трошоците се многу поголеми, па треба да биде поголема и цената за да продолжи да се произведува ориз. Седејќи ја цената на берзата согласни се дека цената на оризот треба да се зголеми.
„Од 50 до 60 денари ако е цената на арпата нема потреба да сееме ориз. За да се поклопеме не треба да биде помалку од 60 денари цената на оризовата арпа“ – додава Арсов.
Оризарите многупати до сега на улица преку протест ги бараа своите права, преку блокада на патниот правец Кочани – Штип.
Лаура Стојанова М-Нет