Двете штипски јавни претпријатија Исар и Стипион интензивно работат на расчистување на снегот од коловозите и тротоарите во Штип. Од ЈП Стипион изјавија дека од ноќеска интензивно работи на расчистување на снегот од поларниот бран што ја зафати Македонија. Исчистени се приоритетни улици и влезовите на градот, сите пристапи до клиничката болница, улиците во централното градско подрачје и булеварите. Оттаму ги замолуваат граѓаните на трпение и доколку немаат итна потреба да не ги користат своите моторни возила. Екипите на ЈП“Стипион“ со целата механизација и сите тимови ќе продолжат со расчистување на сите улици од наносите на снег по приоритет.
Од ЈП Исар пак изјавија дека по обилните врнежи од снег, екипите на ЈП Исар од раните утрински часови се на терен и работат на расчистување на тротоарските површини, пристапни улици и секаде онаму каде има потреба.