Кошаркарите на Соколи остварија убедлива победа на гостувањето кај ГКК Охрид со 75:55, иако натпреварот беше далеку поизедначен во првото полувреме, кое заврши со минимална предност на гостите од 33:29.
Во првите два периода се водеше израмнета борба, но во второто полувреме гостите го засилија темпото, одиграа поцврсто во одбраната и постепено ја зголемуваа разликата, што на крајот донесе сигурен триумф.
Со оваа победа, штипските „Соколи“ повторно покажаа дека знаат да „летнат“ високо кога е најпотребно, а добрата форма и самодовербата ќе се обидат да ја пренесат и на следните натпревари, каде ќе се борат за историски пласман во кошаркарската суперлига.